رامي جمال يصف عمرو مصطفى بالنرجسي ! وعمرو يرد

رامي جمال يصف عمرو مصطفى بالنرجسي ! وعمرو يرد
(اخر تعديل 2023-07-22 10:39:26 )

بعد أيام على أزمة أغنية "يمكن خير" وصلح رامي صبري وعمرو مصطفى،يعود الأخير إلى الواجهة من جديد مع خلاف آخر وهذه المرة مع رامي جمال.

وفي التفاصيل أن رامي جمال أطل في برنامج حبر سري مع أسما إبراهيم التي سألته عن رأيه بتصريح عمرو مصطفى "أن المبدع هو الملحن والفنان هو أداة"؟ ليرد رامي ويقول"مفيش حاجة في الدنيا متوقفة على شخص والملحن من غير شاعر وموزع شاطر أداة والمطرب الشاطر اللي سماه أداة غير كده مكانش هيبقى قاعد يتكلم إنه ملحن شاطر في الحقيقة في نوع من النرجسية أنا مش بحبه وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن".

ليأتي رد عمرو مصطفى على تصريحات رامي جمال من خلال رسالة مطوله على فيسبوك قال فيها:"هو انا اترككم تتعدوا بشكل غير قانوني على الحاني يعني ولحن تم غنائه في برنامج علي الهواء خدته وعملت منه اغنيه وصورتها وفي الاخر طالع تقول عليا نرجسي نحن في زمن يصدق فيه الكاذب ويكذب فيه الصادق اقسم بالله لو شوفتك في اي مكان انت واشكالك لن تجدوا مني غير نظره احتقار واوعي تجري تسلم عليا زي ما عملت قبل كده علشان ههزائك واوعي تجيب اسمي تاني في مكان علشان هقاضيك انت وكل الي شبهك مطربي الدرجه ( الخامسه ) زمن الرويبضة".

وأضاف: "انا نرجسي انا مغرور انا منفصل عن زمايلي وفي حالي ومش بكلم حد في الوسط ارتاحوا بقي وبطلوا تذكروا اسمي في كل مكان اقعدوا اعملوا لجان في كل حته تطلع تشتمني وبرامج مخصوص لمهاجمتي كل ده لاني لازم اكون منافق واشكر في ناس منافقه علشان صورتي تكون كويسه قدام الناس طيب انا عايز صورتي تكون وحشه ارتاحوا بقي".