حسن شاكوش حول أزمته الأخيرة مع زوجته " كل اللي

حسن شاكوش حول أزمته الأخيرة مع زوجته
(اخر تعديل 2023-07-01 18:48:24 )

بعد أن تصدّرت أزمته مع زوجته ريم طارق حديث السوشيال ميديا، ووصلت لأقسام الشرطة والمحاكم والتراشق بالاتهامات عبر وسائل الإعلام والتواصل الاجتماعي، علّق حسن شاكوش على هذا الجدل أمام جمهوره قائلا: "تعبتوا مني الفترة اللي فاتت على السوشيال ميديا، ويتقال اتجوزت والا طلقت، ومحدش فاهم حاجة".

حسن شاكوش

وتابع حسن حديثه للجمهور من على مسرح حفله الأخير بالساحل الشمالي: "كل اللى بيتقال إشاعات، واللي بتسمعوه إشاعات، انتوا عارفين أنا من بولاق الدكرور، وأعرف يعني إيه بنات ناس، واعرف ازاي أحافظ على بنات الناس، ولما تكون داخل بقلبك والنية خير.. بس هنقول إيه؟".و

وأضاف شاكوش في حديثه لجمهور الحفل: "عاوز أعرفكم أنا كل اللي بيتقال إشاعات، والمطبخ اللي بيطبخ ده كله عاوز ترندات، واحنا شبعنا ترندات، وحسن شاكوش قالها لكم بقى مفكرين هما رح يمسكوها عليّ ذلة، وعملت أغنية "عبستك إزاي وإنتي مش بستاني".

تصريح حسن شاكوش حول مشاكله عن زواجه

وكان حسن قد تعرض للكثير من الانتقادات حول هذه الأغنية، كونه في الأساس قام بتأليفها وغنائها على تيك توك، ردا على نشر ريم طارق لمحادثة بينهما، رصد المتابعون فيها الكثير من الأخطاء الإملائية، وكان من بينها جملة "عبستك إزاي وانتي مش بستاني"، وطرح شاكوش الفيديو على تيك توك وتصدر من خلاله الترند لأيام، وأصبح الجمهور يطلب منه هذه الأغنية في حفلاته الأخيرة.

وكان حسن قد أعلن عن الأغنية على حساباته على مواقع التواصل الاجتماعي وكتب: "الفترة اللي فاتت شاركنا معاكم مشاكل كثيرة مكنش ينفع اننا نشاركها معاكم لأن محدش يعلم شئ طالما محدش شاف حاجة وانا برضه هفضل عند قراري مش هتكلم في اي تفاصيل حتي مهما سمعت اي تجريح بس حقيقي كل شخص هيتسأل قدام ربنا عن كلامة بس الحمد الله".

وتابع معتذراً: "انا حابب اعتذر لكل أهل بيتي وجميع افراد ادارة أعمالي وكل فرد في فرقتي علي الاساءة اللي بيتعرضولها يومياً من خلال السوشيال ميديا وخارج السوشيال ميديا واسف تاني لكل اهل بيت في مصر وبرا مصر على الاساءة اللي حصلت علي السوشيال ميديا"، وكشف عن أسلوبه بكيفية مشاركة الترند، كاتباً: "حابب اشارك معاكم الترند بطريقة كوميدية وفيديو ترفيهي على التيك توك بدون الاساءة لأي شخص. ربنا يعلم انها حاجه ترفيهيه فقط وربنا يهدي حال الجميع والحمد الله علي كل شيء وانتظروا شغل جديد الفترة اللي جاية.. دعواتكم".

@shakosh__masr الحمد الله والشكر ليك يارب علي كل حال الحقيقة الفترة اللي فاتت شاركنا معاكم مشاكل كثيرة مكنش ينفع اننا نشاركها معاكم لأن محدش يعلم شئ طلاما محدش شاف حاجة وانا برضو هفضل عند قراري مش هتكلم في اي تفاصيل حتي مهما سمعت اي تجريح بس حقيقي كل شخص هيتسأل قدام ربنا عن كلامة بس الحمد الله وانا حابب اعتذر لكل اهل بيتي وجميع افراد ادارة اعمالي وكل فرد في فرقتي علي الاساءة اللي بيتعرضولها يوميا من خلال السوشيال ميديا وخارج السوشيال ميديا واسف تاني لكل اهل بيت في مصر وبرا مصر علي الاساءة اللي حصلت علي السوشيال ميديا وحابب اشارك معاكم التريند بطريقة كوميدية وفيديو ترفيهي بدون الاساءة في اي شخص ربنا يعلم انها حاجه ترفيهيه فقط وربنا يهدي حال الجميع والحمد الله علي كل شئ وانتظروا شغل جديد الفترة اللي جاية دعواتكم 🙏🏻 #عبستك_ازاي_وانتي_مش_بستاني #حسن_شاكوش🎤 ♬ الصوت الأصلي - حسن شاكوش